Komuna e Prishtinës ka njoftuar se nëser do të rifillojnë shërbimet në objektin e komunës në lagen “Arbëria”

Sipas njoftimit, pas një periudhe të kujdesshme vlerësimi dhe punimeve intensive është vlerësuar se objekti është tani i sigurt për ofrimin e shërbimeve, shkruan Arbresh.info.

Ndër të tjera, komuna njofton se rruga “Radovan Zagoviq” do të vazhdojë të mbetet e mbyllur për qarkullim.

“Ndërsa, për shkak të punës intensive në kulmin e ndërtesës dhe bazuar në vlerësimin e Drejtorisë për Siguri dhe Emergjenca, Policisë së Kosovës dhe rekomandimeve nga ekipi profesional i Kryeqytetit rruga “Radovan Zagoviq” do të vazhdojë të mbetet e mbyllur për qarkullim.”, thuhet në njoftim.

Kurse rruga “Nora e Hotit” do të jetë e hapur për qarkullimin e veturave por jo për parkim veturash e këmbësorë, dhe njëkohësisht ndalohet parkimi i veturave në parkingun e objektit të Kryeqytetit dhe rreth saj./Arbresh.info/

Kujtojmë që, të enjten (18 janar), ka rënë çatia e objektit të Komunës së Prishtinës në lagjen “Arbëria”.

Si pasojë e kësaj një vajzë ka mbetur e lënduar.

23-vjeçarja i është nënshtruar operacionit, ndërsa ende po vazhdon të trajtohet në klinikën intensive./Arbresh.info/

E lënduara nga shembja e çatisë te Komuna e Re, Uka tregon se si është gjendja e saj sot